|
Şimali Kipr
Türk Respublikasının Yaxın Doğu Universitetinin
müəllim və tələbələrindən ibarət heyət Naxçıvan
Dövlət Universitetində oldu. Universitetin
rektorluğunda keçirilən görüşdə rektor, akademik
İsa Həbibbəyli qonaqları salamladı, qardaş
Türkiyə ilə tarixi köklərə söykənən birlikdən və
siyasi həmrəylikdən danışdı. Rektor Türkiyənin
əksər universitetləri ilə çoxcəhətli
əməkdaşlığın elmin, təhsilin inkişafı, dünya
təhsil sisteminə inteqrasiya istiqamətində öz
bəhrələrini verdiyini vurğuladı.
Söhbət zamanı
bildirildi ki, əsasən coğrafiya fakültəsinin
müəllim və tələbələrindən ibarət heyətin səfərdə
məqsədi Naxçıvanın qədim tarixini, fiziki
coğrafiyasını, təbii ehtiyatlarını, iqlim
qurşağını, ekologiyasını öyrənmək, eyni zamanda
təbiət abidələri və memarlıq nümunələri,
regionun müasir inkişafı ilə tanış olmaqdır.
Qonaqlar Naxçıvan və universitet haqqında xoş
təəssüratlarını bölüşdülər, gələcək əməkdaşlıqla
bağlı məsələlər müzakirə olundu.
Mehriban SULTAN |
|
