|
 Paytaxtımızın
bir sıra ümumtəhsil məktəblərində Azərbaycan
Futbol Federasiyaları Assosiasiyası tərəfindən
futbol dərsləri keçilir. Bakının Səbail
rayonundakı 239 nömrəli orta məktəbdə futbol
dərsləri V, VI və VII sinifləri əhatə edir. AFFA
tərəfindən bu siniflərə idman formaları,
dərsləri yüksək səviyyədə keçirmək üçün məşq
məsafələrini nizamlayıcı lövhələr, futbol
topları, bloknotlar paylanılıb.
AFFA tərəfindən göndərilən mütəxəssislər
məktəbin fiziki tərbiyə müəllimlərinə futbol
dərslərinin keçilməsində yaxından köməklik
göstərir, tövsiyə və məsləhətlər verirlər. Bu,
şagirdlərin texniki, taktiki, fiziki hazırlığa,
cəldlik, çeviklik bacarıqlarına yiyələnməsinə
xidmət etməklə bərabər, yeniyetmələrin futbol
aləminə inteqrasiya etmələrinə də təkan verir.
Qeyd edək ki, futbol dərslərinə maraq
artdıqca yeniyetmələrin komanda üzvlərinin
sayı da gündən-günə çoxalır.Yeniyetmə
qızların da futbol dərslərində fəal iştirak
etməsi bu idman növünə ölkəmizdə marağın
artdığına bariz nümunədir. Təhsil ocağının
rəhbəri Sədaqət Əzimova Azərbaycan
Respublikasının Prezidenti cənab İlham Əliyevin
ölkəmizdə idmanın inkişafını təmin edən məlum
sərəncamının əhəmiyyətindən, bu sahəyə
göstərdiyi diqqət və qayğısından danışdı. Məhz
bu diqqət və qayğının nəticəsində uşaq və
yeniyetmələrdə idmanın bütün növlərinə, eləcə
də futbola maraq daha da artıb. Məşhur
futbolçularla təşkil etdiyimiz görüşlər,
aparılan söhbətlər və canlı dialoqlar isə
şagirdlər arasında güclü futbolçuların
davamçılarının yetişməsinə xidmət edir.
Sifai SƏFƏROVA |
|
