|
 Qafqaz
Universitetinin ingilis dili və ədəbiyyatı
bölümü, "Azərsun holdinq"in sponsorluğu ilə
aprelin 22-23 tarixlərində ümummilli lider
Heydər Əliyevin anadan olmasının 88-ci
ildönümünə həsr olunmuş "İngilis dili və
ədəbiyyatında yeni yanaşma metodları" adlı I
Beynəlxalq tələbə konfransı keçirilib.
Konfransın məqsədi tələbələri elmi fəaliyyətə
təşviq etmək, araşdırmaq istədikləri
elmi-tədqiqat işlərinə təkan vermək, ingilis
dili və ədəbiyyatı sahəsində yeni tədqiqat
metodlarının əhəmiyyətini araşdırmaqdır.
İki gün davam edən konfrans dilçilik, ədəbiyyat,
təhsil və fərqli imtahan sistemləri kimi
tədqiqat sahələrini əhatə edib.
Konfransda altı xarici ölkədən 11, ölkəmizdən
isə 79 tələbə iştirak edib.
Y.ƏLİYEV |
