|
ABŞ-ın ölkəmizdəki səfirliyinin İctimaiyyətlə
əlaqələr şöbəsinin rəhbəri cənab Terri Devidson
Azərbaycan Universitetinin rəhbərliyi ilə
görüşmüşdür. Rektor qonağı salamlamış və ona
universitet haqda məlumat vermişdir. Aslan
Qəhrəmanla Terri Devidson təhsilin ümumi və
spesifik problemlərini müzakirə etmiş,
Azərbaycan Universitetinin perspektiv inkişafı,
kampusun layihələndirilməsi, AU-nun Corciya
Dövlət Universiteti və digər tərəfdaşları ilə
əlaqələri, beynəlxalq əməkdaşlığın
genişləndirilməsində səfirliyin də dəstəyindən
faydalanmağın əhəmiyyətini qeyd etmişlər. Bu
tərəfdaşlığın elmi-tədqiqatlar, tələbə-müəllim
mübadiləsi, yay məktəblərinin təşkili, tədris
proqramlarının təkmilləşdirilməsi və digər
istiqamətləri əhatə edəcəyini vurğulamışdır.
Sonra "dəyirmi masa" ətrafında keçirilən görüşdə
cənab Devidson öncə tələbələrə Amerika təhsili
haqda məlumat verdi. Təqdimatını müqayisəli
təhlil əsasında quran cənab Devidson daha sonra
tələbələrlə interaktiv şəkildə müxtəlif
məsələlər ətrafında müzakirə apardı. Tələbələr
əsasən təhsil yönümlü suallarla cənab Devidsona
müraciət etdilər. Qonaq Amerika təhsilinin
üstünlükləri, azərbaycanlı tələbələrə təklif
olunan təqaüd proqramları və təqaüd
proqramlarından yararlanan azərbaycanlı
tələbələrin Amerika universitetlərində
göstərdikləri nəticələr ətrafında söhbət etdi.
Azərbaycan təhsili ətrafında da fikir mübadiləsi
aparıldı. Cənab Devidson bu mövzu ilə əlaqədar
tələbələrin suallarına maraqlı cavablar verdi.
|
