|
Bu günlərdə İmişli şəhər 7 nömrəli tam orta
məktəbdə görkəmli fizik Cavad Abdinovun anadan
olmasının 71-ci ildönümünə həsr olunmuş "Fizika
gecəsi" keçirildi. Tədbirin təşkil olunduğu zal
alimin portreti və fizikaya aid plakatlarla
bəzədilmişdi.
Tədbir açıq elan olunduqdan sonra məktəbin
fizika müəllimi Sevinc Məmmədova C.Abdinovun
həyatı və elmi fəaliyyəti barədə məruzə etdi.
Sonra 4 komandanın iştirakı ilə bilik yarışı
keçirildi. 2 turdan ibarət yarışda hər komandaya
10 sual təqdim olundu. Yarışın nəticələrinə görə
məktəbin IX "c" sinfinin şagirdlərindən ibarət
"Zəfər" komandası qalib hesab olundu. Komandanın
üzvləri Əsmər İsgəndərova, Kəmalə Məhərrəmli,
Nuranə Nəsirli, Nuranə Şahbazlı yarışda yüksək
hazırlıq nümayiş etdirdilər.
Tədbirdə məktəbin fizika və kimya müəllimləri də
iştirak edirdi. Gecənin sonunda məktəbin
direktoru qalib komandanın üzvlərini təbrik
etdi. Qalib şagirdlərə hədiyyələr verildi və
təşəkkür elan olundu.
Əsmər İSGƏNDƏROVA,
İmişli şəhər A.Eminov adına 7 nömrəli orta
məktəbin şagirdi |
