|
 Naxçıvan
Dövlət Universitetində daha bir rəsm sərgisi
tamaşaçılara təqdim edildi. İncəsənət
fakültəsinin IV kurs tələbəsi Nəsib Nəsirovun
müxtəlif janrlarda yaratdığı 25 əsəri sərgidə
nümayiş olundu.
Bu münasibətlə keçirilən tədbirdə çıxış edən
rektor, akademik İsa Həbibbəyli
universitetimizdə dövlət başçısının və muxtar
respublika rəhbərliyinin böyük dəstək və qayğısı
sayəsində yaradılan güclü maddi-texniki bazanın
yüksək intellektli, müasir dövrün tələblərinə
cavab verən potensiallı kadrların yetişməsinə
tam zəmanət verdiyini diqqətə çatdırdı. Natiq,
universitetimizdə dəfələrlə ayrı-ayrı
tədbirlərlə bağlı istər fərdi, istərsə də
müxtəlif mövzularda rəsm sərgilərinin təşkil
olunduğunu, təhsil ocağında artıq professional
rəssamlıq məktəbinin formalaşdığını qeyd etdi.
Bu sahədə universitetin müəllimi, xalq rəssamı
Hüseynqulu Əliyevin böyük əməyini xüsusi
vurğulayan rektor, fakültədə təhsil alan gənc
rəssamların özünəməxsus ştrixlərlə, fərdi
təxəyyüllərinin təsiri ilə ərsəyə gətirdikləri
bu rəsm əsərlərini yüksək qiymətləndirdi. Fərdi
üslubu və təkrarsızlığı ilə seçilən növbəti rəsm
sərgisinin müəllifi Nəsib Nəsirova bu yolda
nailiyyətlər dilədi.
Xalq rəssamı Hüseynqulu Əliyev çıxış edərək
muxtar respublikanın və universitet
rəhbərliyinin gənc istedadların üzə
çıxarılmasına və onların inkişafına göstərilən
dəstək və qayğısından bəhs etdi.
Rəssamlıq ixtisası üzrə III kurs tələbəsi Cəlal
Rzayev rəssam yoldaşına təbriklərini çatdıraraq
yeni-yeni yaradıcılıq uğurları arzuladı.
Sonda müəllif Nəsib Nəsirov ürək sözlərini
tədbir iştirakçılarına çatdırdı.
Nərmin CƏFƏROVA,
NDU-nun Mətbuat şöbəsinin əməkdaşı
|
