|
 NDU-da
keçirilən ənənəvi "Mirzə Cəlil günləri"
çərçivəsində universitetin elmi kitabxanasında
görkəmli yazıçı, dramaturq və publisist Cəlil
Məmmədquluzadənin anadan olmasının 142-ci
ildönümünə həsr olunmuş sərgi açılıb. Sərgi
ədibin zəngin irsinin təbliği baxımından böyük
əhəmiyyət kəsb edir. Cəlil Məmmədquluzadənin
əsərlərilə yanaşı, sərgidə digər müəlliflərin
görkəmli ədibin həyat və yaradıcılığına həsr
olunmuş kitabları, arxiv sənədləri, fotolar da
öz əksini tapıb.
Sərgidə Əziz Mirəhmədov, Əziz Şərif, Məmməd
Cəfər, Qulam Məmmədli, İsa Həbibbəyli kimi
görkəmli mirzəcəlilşünasların sanballı
monoqrafiyaları ilə yanaşı Allahverdi Məmmədov,
Azər Əliyev kimi ədəbiyyatşünasların böyük
ədibin dramaturgiyası, satirik publisistikası və
nəsr yaradıcılığı ilə bağlı maraqlı tədqiqat
əsərləri də yer alıb.
Çinarə MƏMMƏDOVA,
NDU-nun mətbuat tarixi
ixtisası üzrə II kurs magistrantı |
|
