|
Azərbaycan Müəllimlər İnstitutunun Mingəçevir
filialında "Bahar çiçəkləri" adlı şifahi nitq -
şeir müsabiqəsi keçirilmişdir. Müsabiqədə
AMİ-nin Mingəçevir filialının, Mingəçevir
Politexnik İnstitutunun, Mingəçevir Tibb
Kollecinin, Mingəçevir Turizm Kollecinin
tələbələri, Mingəçevir şəhərinin lisey və orta
məktəb şagirdləri iştirak edirdilər.
Müsabiqəni giriş sözü ilə AMİ-nin Mingəçevir
filialının direktoru, fizika-riyaziyyat elmləri
doktoru, professor O. Rzayev açaraq tədbir
iştirakçılarını Novruz bayramı münasibəti ilə
təbrik edib, şeir müsabiqəsində onlara uğurlar
arzuladı.
Tələbə və şagirdlər Azərbaycan və dünya
şairlərinin müxtəlif mövzularda - Vətənə, anaya,
qəhrəmanlara, orduya həsr edilmiş şeirlərini
Azərbaycan, ingilis və rus dillərində ifadəli
qiraətlə söylədilər. Münsiflər heyətinin rəyinə
görə, AMİ-nin Mingəçevir filialının tələbələri
Elnarə Məmmədova, Aytən Musayeva, Təbiət
liseyinin şagirdi Leyla Ədalət qızı, Mingəçevir
Turizm Kollecinin tələbəsi Şəbnəm Mustafayeva,
10 nömrəli məktəbin şagirdi Murad Əbdürrəhmanov,
20 nömrəli məktəbin şagirdi Nərgiz Həsənova, 19
nömrəli məktəbin şagirdi Nigar Bayramova, 1
nömrəli məktəbin şagirdi Telman Feyzullayev və
18 nömrəli məktəbin şagirdi Nilufər Rüstəmova
fəxri fərmana və I dərəcəli mükafata layiq
görüldülər.
Aynur DADAŞOVA,
AMİ-nin Mingəçevir filialının
Tələbə Elmi Cəmiyyətinin sədri |
|
