|
Ordubad Rayon
Gənclər və İdman İdarəsi, təhsil şöbəsi və hərbi
komissarlığının təşkilatçılığı ilə rayondakı "N"
saylı sərhəd zastavasının idman bazasında
"Cəsurlar" hərbi-idman və turizm oyunlarının
rayon birinciliyi keçirilmişdir.
Birincilikdə
rayonun 30 məktəbindən, hər komandada 5 oğlan, 2
qız olmaqla, 210 şagird iştirak etmişdir.
Yarışda Gilançay kənd orta məktəbinin komandası
I, Ordubad şəhər internat-məktəbin komandası II,
Dəstə kənd 2 nömrəli orta məktəbinin komandası
isə III yerə layiq görülmüşdür. Ordubad rayon
birinciliyində birinci yeri tutmuş Gilançay kənd
orta məktəbinin komandası Naxçıvan MR zona
birinciliyi üzrə keçirilən "Cəsurlar"
hərbi-idman və turizm oyunlarında iştirak etmək
hüququ qazanmışdır.
Sonda qalib
komandalara təşkilatçılar tərəfindən kubok və
diplomlar təqdim edilmişdir. |
