|
Bu günlərdə
Azərbaycan Respublikasının Prezidenti yanında
Dövlət İdarəçilik Akademiyasında 2010-cu ildə
yerinə yetirilmiş elmi-tədqiqat işlərinin
yekunlarına həsr olunmuş "Azərbaycan
Respublikasının dövlət idarəetməsi sistemi
modernləşmə mərhələsində" mövzusunda elmi
konfrans keçirilmişdir.
Konfransı
birinci prorektor, professor Əlikram Abdullayev
açaraq, mövzu ətrafında geniş məlumat vermiş,
ulu öndər Heydər Əliyevin dövlət idarəçilik
təcrübəsinin ölkəmizin idarəetmə sisteminin
modernləşmə mərhələsində və inkişafında
əhəmiyyətini, onun zəngin dövlətçilik
təcrübəsinin öyrənilməsinin zəruriliyini
vurğulamışdır. O, cənab Prezident İlham Əliyevin
Azərbaycanda elmin inkişafını daim diqqət
mərkəzində saxladığını qeyd etmişdir.
Plenar iclas
və bölmələrdəki məruzələrin əhəmiyyətini ətraflı
təhlil edən Ə.Abdullayev konfransın işinə
uğurlar arzulamışdır.
Konfrans işini
üç bölmədə davam etdirmişdir. Bölmə
iclaslarında 60-a yaxın məruzə və çıxışlar
dinlənilmişdir. Yekun iclasında bölmə
rəhbərlərinin məlumatları dinlənilmiş,
konfransda səslənən məruzələr ətrafında
gələcəkdə akademiyada aparılacaq elmi işlər
barədə maraqlı tövsiyə və təkliflər irəli
sürülmüşdür.
Şakir CƏFƏROV |
