|
Microsoft
korporasiyası yeni İnternet Explorer 9
brauzerinin reliz-namizədini buraxmışdır.
"Microsoft Azerbaijan" şirkətindən verilən
xəbərə görə, Azərbaycan istifadəçiləri həmin
versiyanı www.microsoft.az saytından yükləyə
bilərlər. Son versiyadan əvvəl buraxılan bu
versiya tam funksionallığı daxil edir.
2010-cu ilin
sentyabr ayında buraxılmış İE 9-un test
versiyasını bütün dünya üzrə 25 milyondan çox
istifadəçi yükləmişdir. Qeyd etmək lazımdır ki,
bu, brauzerin tarixində ən məşhur
beta-versiyadır. Geniş əhatəli yoxlama proqramı
sayəsində proqramçılar brauzerin
təkmilləşdirilməsi üzrə minlərlə təkliflər
almışlar.
İE 9
reliz-namizədi saytlara daha yaxşı görünməyə və
işləməyə, məxfi məlumatları daha effektiv
şəkildə qorumağa imkan verən sürətli brauzer
konsepsiyasına tam uyğun olan bir sıra mühüm
yenilikləri daxil edir. Məsələn,
* Brauzerin
işinin nəzərəçarpan dərəcədə sürətləndirilməsi -
SunSpider-in keçirdiyi testlərin nəticəsinə
əsasən yeni versiya beta-versiyadan 35% daha
sürətlidir;
* İstifadəçi
interfeysi bildirişlərlə iş üçün nəzərdə
tutulmuş yeni imkanlara malikdir; o, həmçinin
əlavələri ayrıca sətirdə yerləşdirməyə imkan
verir;
* Əlavə
veb-standartların və HTML5-in, o cümlədən
geolokasiyaların, semantik nişanların və WebM
videonun (əgər müvafiq kodek quraşdırılıbsa)
dəstəklənməsi;
* Şirkətin
dekabr ayında elan etdiyi izlənmədən qorunma
texnologiyası (Tracking Protection) yeni
versiyada tətbiq edilib. Bu haqda daha ətraflı
məlumatı Microsoft-un müvafiq xəbərlər
mərkəzindən öyrənə bilərsiniz.
İndi brauzerin
səhifəsinin aşağısında yalnız kompüterin
təhlükəsizliyinə zərər yetirə biləcək və ya
İE-nin işini zəifləşdirə biləcək problemlər
haqda bildirişlər göstərilir. Əlavələri ayrıca
sətirdə yerləşdirmək olar, bu isə o deməkdir ki,
onların sayı daha çox olacaq.
İnternet
Explorer 9 reliz-namizədində yeni təhlükəsizlik
sistemi gerçəkləşdirilmişdir - "İzlənmədən
qorunma" (Tracking Protection). Həmin sistem
istifadəçinin razılığı olmadan veb-saytlara
fərdi məlumatları toplamağa (məsələn, İP
vasitəsilə) imkan vermir. İstifadəçi həmçinin
arzuolunmaz saytları blok edə bilər: onlar haqda
məlumatları Tracking Protection siyahısına daxil
etmək kifayətdir. Həmin siyahıda etibar
etdiyiniz saytları da göstərə bilərsiniz.
İE 9
brauzerində müasir veb-standartların
dəstəklənməsi təkmilləşdirilmiş, həmçinin
Geolocation API spesifikasiyasına uyğun olan
veb-proqamlara qurğunun coğrafi məkanını təyin
etməyə imkan verən geolokasiya alətləri
reallaşdırılmışdır. |
