|
Türkiyədəki
Mustafa Kamal Universitetində "Erməni problemi
və Xocalı soyqırımı" mövzusunda konfrans
keçirilmişdir.
AzərTAc xəbər
verir ki, əvvəlcə universitetin
professor-müəllim heyəti və tələbələri Xocalı
soyqırımı qurbanlarının xatirəsini bir dəqiqəlik
sükutla yad etmişlər.
Universitetin
araşdırma mərkəzinin direktoru, dosent Nəcati
Bozkurt bildirmişdir ki, Xocalı qətliamı 1992-ci
il fevralın 25-dən 26-na keçən gecə Azərbaycanın
Dağlıq Qarabağ bölgəsində törədilmiş soyqırımı
və bəşəriyyətə qarşı ağır bir cinayətdir.
"Memorial" insan haqları mərkəzi, "Nyu-York
Tayms" qəzeti və "Taym" jurnalının o zaman
yazdıqlarına görə, bu qətliam Ermənistan və
Dağlıq Qarabağdakı erməni quldur dəstələri
tərəfindən törədilmişdir. Nəticədə Xocalının 613
dinc sakini vəhşicəsinə öldürülmüşdür.
Universitetin
rektoru, professor Hüsni Salih vurğulamışdır ki,
Xocalıda insanların yaşamaq hüquqları əllərindən
alınmış, dünyanın bir çox ölkələri bu dəhşətli
cinayətə biganə qalmışlar. Bu qətliam bir
soyqırımıdır və dünya ictimaiyyəti tərəfindən
tanınmalıdır. Təəssüf ki, 19 il ərzində BMT və
digər beynəlxalq təşkilatlar Xocalı soyqırımına
lazımi qiymət verməmişlər. Əgər bu soyqırımına
siyasi-hüquqi qiymət verilməsə, Dağlıq Qarabağ
problemi həll olunmasa və işğal altında olan
Azərbaycan torpaqları azad edilməsə, Cənubi
Qafqaz bölgəsində heç vaxt sülh və sabitlik
olmayacaqdır.
Türkiyənin
Atatürk Universitetinin Türk-Erməni
Münasibətlərinin Araşdırılması Mərkəzinin
direktoru, professor Ərol Kürkçüoğlu çıxışında
demişdir ki, daşnak quldur dəstələri Anadolu
torpaqlarında on illər boyu dinc əhaliyə qarşı
qətliamlar törətmişlər. Saxta "soyqırımı"
iddiaları ilə dünyanı təngə gətirmiş ermənilərin
Xocalıda törətdikləri faciə bütün türklərə qarşı
bir cinayətdir. Ermənilərin bədnam fəaliyyəti
artıq tarixi cizgidən çıxmış, siyasi bir rəng
almışdır. Onlara qarşı mübarizə aparmaq üçün
Xocalı soyqırımı və digər qətliamlar sənədlərlə
və faktlarla bütün ölkələrin parlamentlərində
yayılmalıdır. |
