|
Regionların
sosial-iqtisadi inkişafı Dövlət Proqramına uyğun
olaraq respublikamızın hər yerində olduğu kimi,
Bərdə rayonunun Hacallı və Şahvəlilər
kəndlərində də yeni məktəb binaları tikilir.
Hacallı kənd
2 nömrəli orta məktəbinin direktoru Həmid
Abdullayevin verdiyi məlumata görə, Təhsil
Nazirliyinin vəsaiti hesabına inşa olunan 220
yerlik ikimərtəbəli məktəbdə 10 sinif otağı,
fizika və kimya laboratoriyaları, kitabxana,
kompüter otağı, bufet, akt və idman zalları
vardır. Təhsil ocağında müasir istilik sistemi
quraşdırılmış, su xətti və transformator
yenilənmişdir. Məktəbin həyətində yeni idman
meydançası tikilmiş, 150 ədəd ağac əkilmiş, gül
kolları salınmış, asfalt örtüyü çəkilmiş və
ərazi hasarlanmışdır. Tikinti "Amin-inşaat" MMC
tərəfindən həyata keçirilərək son tamamlama
işləri aparılır.
Şahvəlilər
kəndindəki ikimərtəbəli 220 yerlik məktəbdə də
inşaat işləri sürətlə davam etdirilir. Məktəbin
növbəti dərs ilinə kimi istifadəyə verilməsi
nəzərdə tutulur.
Niyazi RƏHİMOV |
|
