|
Qobustan
rayonu M.Sahibov adına Ərəbqədim kənd orta
məktəbində görkəmli alim, pedaqoq, yazıçı,
filologiya elmləri doktoru, professor Əzizə
Cəfərzadənin həyat və yaradıcılığına həsr
olunmuş tədbir keçirilib.
Tədbirdə
məktəbin direktoru Rüsxət Bəzirov, şair Füzuli
Soltan, məktəbin dil-ədəbiyyat müəllimi Mehman
Rəcəbov, yazıçının qohumu, şair Hacı Məmməd
Şirvani və digər çıxış edənlər ədibin elmi
yaradıcılığı, bir-birindən maraqlı tarixi
əsərlərindən, ədəbi-tənqidi görüşlərindən
danışaraq bildirdilər ki, Əzizə Cəfərzadə
Azərbaycan ədəbiyyatının inkişafında və məzmunca
zənginləşməsində mühüm rol oynayıb. Xalq
yaradıcılığı ilə klassik ənənələri yeni formada
yaşadan Ə.Cəfərzadə eyni zamanda görkəmli
tədqiqatçı alim olub.
Bu maraqlı
tədbirdə məktəbin şagirdləri ədibin əsərləri
əsasında hazırladıqları səhnəcikləri nümayiş
etdiriblər.
Sonda tədbir
iştirakçıları Əzizə Cəfərzadənin məzarı önünə
tər çiçəklər qoyaraq ziyarət ediblər.
Zaur İBRAHİMOV,
Qobustan rayonu Ərəbqədim
kənd orta məktəbinin təlim-tərbiyə
işləri üzrə direktor müavini |
