|
Lənkəran Dövlət Universitetində qış imtahan
sessiyası əvvəlki tədris illərindən fərqli
olaraq tələbələrin biliyi çoxballı sistem tətbiq
edilməklə qiymətləndirilir. İmtahanlar yazılı
yoxlama və test üsulu ilə aparılır. İxtisas
qruplarında tələbələrin yazılı cavabları
nəzarətçi-koordinatorlar tərəfindən
kodlaşdırıldıqdan sonra fənlər üzrə yaradılmış
imtahan komissiyalarının üzvlərinə təqdim
edilir. Belə yanaşma neqativ halların qarşısının
alınmasına imkan verir.
Biliklərin qiymətləndirilməsində şəffaflığı və
obyektivliyi təmin etmək, yarana biləcək neqativ
halların aradan qaldırılması məqsədilə operativ
qərargah yaradılmışdır. Qərargaha universitetin
rektoru başda olmaqla, ictimaiyyətin, mətbuat və
informasiya vasitələrinin nümayəndələri də
daxildirlər.
İmtahanların nəticələrindən narazılıqlara
münaqişə komissiyası tərəfindən baxılır,
operativliyin təmin edilməsi üçün "Qaynar xətt"
fəaliyyət göstərir. |
