|
"İsmayıllı Peşə Tədris Mərkəzinin yaradılması
haqqında Azərbaycan Respublikasının Nazirlər
Kabinetinin qərarını elan edirəm:
Azərbaycan Respublikasının Nazirlər Kabineti
QƏRAR N 239
Bakı şəhəri, 17 dekabr 2010-cu il
İsmayıllı Peşə Tədris Mərkəzinin yaradılması
haqqında
Azərbaycan Respublikası Təhsil Nazirliyinin
aidiyyəti dövlət orqanları ilə razılaşdırılmış
təklifini nəzərə alaraq, turizm və xidmət
sahələri üçün ixtisaslı kadrların
hazırlanmasının təmin edilməsi məqsədi ilə
Azərbaycan Respublikasının Nazirlər Kabineti
QƏRARA ALIR:
1. Azərbaycan Respublikası Təhsil Nazirliyinin
İsmayıllı peşə məktəbi ləğv edilsin və
Azərbaycan Respublikası Təhsil Nazirliyinin
İsmayıllı Peşə Tədris Mərkəzi yaradılsın.
2. Azərbaycan Respublikası Nazirlər Kabinetinin
1996-cı il 23 avqust tarixli 116 nömrəli qərarı
ilə təsdiq edilmiş 1 nömrəli əlavə - "Peşə
məktəbi və peşə liseyi statusu verilən təhsil
müəssisələrinin Siyahısı"nın "Peşə məktəbləri"
bölməsinin "Respublikanın rayonları üzrə"
hissəsindən "İsmayıllı peşə məktəbi 138" sözləri
və rəqəmi çıxarılsın.
3. Azərbaycan Respublikasının Təhsil Nazirliyi
bu qərardan irəli gələn məsələləri həll etsin.
4. Bu qərar imzalandığı gündən qüvvəyə minir.
A.RASİZADƏ,
Azərbaycan Respublikasının Baş naziri"
Azərbaycan Respublikası Nazirlər Kabinetinin 17
dekabr 2010-cu il tarixli 239 ¹-li qərarının
icrası ilə əlaqədar
ƏMR EDİRƏM:
1. Azərbaycan Respublikası Nazirlər Kabinetinin
17 dekabr 2010-cu il tarixli 239 nömrəli qərarı
rəhbərlik və icra üçün qəbul edilsin.
2. Ləğv edilmiş İsmayıllı peşə məktəbinin
direktoru Rəhimov Vaqif Hənnan oğlu və
tədris-istehsalat işləri üzrə direktor müavini
Mirzəyev Fikrət Tahir oğlu ilə bağlanmış əmək
müqavilələri Azərbaycan Respublikası Əmək
Məcəlləsinin 70-ci maddəsinin "a" bəndinə əsasən
05.01.2011-ci il tarixdən ləğv edilsin.
3. İsmayıllı peşə məktəbinin ləğv edilməsi ilə
əlaqədar olaraq məktəbin Lahıc filialı da ləğv
edilsin.
4. İsmayıllı şəhər 2 nömrəli orta məktəbin
direktor müavini Muradov Zaur Fazil oğlu
İsmayıllı Peşə Tədris Mərkəzinə direktor təyin
edilsin.
5. Aşağıdakı tərkibdə ləğvetmə komissiyası
yaradılsın:
·
Namiq Məmmədov - Texniki peşə təhsili şöbəsinin
müdiri, sədr
·
Elmir Həsənov - Hüquq sektorunun müdiri, üzv
·
Akif Hacıyev - İqtisadiyyat şöbəsi, Mühasibat
uçotu və hesabat sektorunun baş məsləhətçisi,
üzv
·
Rüstəm Quliyev - İqtisadiyyat şöbəsi,
məsləhətçi,
üzv
·
Rəsul Əsgərov - Təhsil Problemləri İnstitutunun
İlkin Peşə Təhsilinin İnkişaf Mərkəzinin
direktoru, üzv
·
Zaur Muradov - İsmayıllı Peşə Tədris Mərkəzinin
direktoru
6. Komissiyaya tapşırılsın:
6.1. Peşə məktəbinin balans hesabında olan bütün
əmlakının faktiki inventarlaşdırılmasını aparsın
və 01.01.2011-ci il vəziyyətinə balans- uçot
göstəriciləri ilə üzləşdirsin. Peşə məktəbinin
05.01.2011-ci il vəziyyətinə balans hesab-uçot
qalıqlarının Peşə Tədris Mərkəzinin balansına
verilməsini, həmçinin ləğv olunmuş məktəbin
maliyyə, uçot, hesabat və təhsil sənədlərinin
təhvil-təslim aktlarının hazırlanıb və bir
nüsxənin Təhsil Nazirliyinə təqdim edilməsini;
6.2. Peşə məktəbinin möhür, ştamp və
ciddi hesabat sənədlərinin müəyyən olunmuş
qaydada Təhsil Nazirliyinə təhvil verilməsini;
6.3. Əmək qanunvericiliyinə uyğun
işçilərin əmək müqaviləsinin ləğv olunmasını və
mövcud qaydada Peşə Tədris Mərkəzinə işə qəbul
edilməsini;
6.4. Şagirdlərin İsmayıllı Peşə Tədris
Mərkəzində təhsillərinin davam etdirilməsi üçün
müvafiq tədbirlərin həyata keçirilməsini;
6.5. Ləğv edilmiş İsmayıllı peşə
məktəbinin tədris binasının İsmayıllı Rayon
Təhsil Şöbəsinə verilməsi ilə bağlı aidiyyəti
orqanlar qarşısında vəsatət qaldırılmasını və
qanunvericiliyə uyğun digər tədbirlərin həyata
keçirilməsini təmin etsin.
6.6. Görülmüş işlər barədə 10 gün müddətində
rəhbərliyə məlumat versin.
7. İqtisadiyyat şöbəsi (Ş.Əliyev) və Texniki
peşə təhsili şöbəsi (N.Məmmədov) yeni yaradılmış
İsmayıllı Peşə Tədris Mərkəzinin ştat
cədvəlində, şagird kontingentinin sayında
dəqiqləşmələr aparsınlar, Peşə Tədris Mərkəzinin
normal fəaliyyəti üçün tələb olunan vəsaitin
ayrılmasını təmin etsinlər.
8. Texniki peşə təhsili şöbəsi (N.Məmmədov)
Təhsil Problemləri İnstitutu (A.Mehrabov) ilə
birlikdə İsmayıllı Peşə Tədris Mərkəzi üçün
ixtisas, ümumtexniki və başqa fənlər üzrə
çatışmayan dərslik və dərs vəsaitlərinin
siyahısını müəyyənləşdirsinlər və 2011-2012-ci
illərdə həmin dərslik və dərs vəsaitlərinin
nəşr olunması üçün konkret tədbirlərin
görülməsini, tədris prosesinin normal
təşkilinə dair lazım olan digər tədbirlərin
həyata keçirilməsini təmin etsinlər.
9. Strateji təhlil, planlaşdırma və kadrların
idarəolunması şöbəsi (F.Qədirov) Peşə Tədris
Mərkəzinin rəhbər mühəndis-pedaqoji kadrlarla
möhkəmləndirilməsi, onların ixtisasının
artırılması və yenidən hazırlanması sahəsində
lazımi tədbirlər görülməsini təmin etsin.
10. İsmayıllı Peşə Tədris Mərkəzinin direktoru
Z.Muradova tapşırılsın:
10.1. 1 ay müddətinə Peşə Tədris Mərkəzinin
Nizamnaməsini hazırlasın və mövcud qaydalar
üzrə qeydiyyatdan keçirilməsini, möhür və ştamp
hazırlanmasını təmin etsin.
10.2. Kadr hazırlanacaq peşələrə uyğun
maddi-texniki bazanın yaradılması üçün tədbirlər
görsün.
10.3. Peşə Tədris Mərkəzinin yeni struktur və
xərclər smetasının layihəsinə əsasən ştat
cədvəli hazırlayıb nazirliyə təqdim etsin.
11. İctimaiyyətlə əlaqə şöbəsinin müdiri
(B.Hüseynzadə) əmrin "Azərbaycan müəllimi"
qəzetində, "Sənətkar" jurnalında dərc
edilməsini və digər kütləvi informasiya
vasitələrində yayılmasını təmin etsin.
12. Əmrin icrasına nəzarət təhsil nazirinin
müavini İ.İsgəndərova həvalə edilsin.
Misir MƏRDANOV,
Azərbaycan Respublikasının təhsil naziri
11 yanvar 2011-ci il |
