|
Türkiyənin Kocaeli Universitetində şəhərin
bələdiyyə sədri və universitetin rektorunun
burada təhsil alan əcnəbi tələbələrlə görüşü
keçirilmişdir.
Tədbirdə çıxış edən Kocaeli bələdiyyə sədri
İbrahim Karaosmanoğlu 30 müxtəlif ölkədən gələn
tələbələrin təhsillərini Kocaelidə davam
etdirmələrindən məmnunluğunu bildirmişdir.
İ.Karaosmanoğlu universitetdə təhsil alan əcnəbi
tələbələrə hər zaman kömək etməyə hazır olduğunu
vurğulamışdır.
Universitetin rektoru, professor Sezər Komsuoğlu
hazırda bu təhsil ocağının müxtəlif
fakültələrində 400-dən çox əcnəbi tələbənin
təhsil aldığını qeyd etmişdir. Universitetdə
Türkmənistan, Bolqarıstan, Nigeriya, Çin,
Rusiya, İraq, Ukrayna və ABŞ ilə yanaşı,
Azərbaycandan da tələbələrin təhsil aldığı
vurğulanmışdır.
Görüşdə əcnəbi tələbələr adından çıxış edən
azərbaycanlı tələbələr onlara göstərilən qayğıya
görə bələdiyyə sədrinə və universitetin
rektoruna təşəkkür etmişlər.
AzərTAc |
