Gənclər və İdman Nazirliyinin yaranması gününə həsr olunmuş “İdman hamı üçündür!” adlı rəsm sərgisi keçirilib. Bakı Şəhər Gənclər və İdman İdarəsinin Xətai rayon sektoru, Xətai Rayon İcra Hakimiyyəti və Xətai Sənət Mərkəzinin təşkilatçılığı ilə  baş tutan  sərgidə 9 yaşından 29 yaşınadək olan yeniyetmə və gənc rəssamların  əl işləri nümayiş olunub.

Sərgidə  iştirak edənlər ölkə rəhbəri İlham Əliyevin  gənclərə və idmana olan diqqət və qayğısından  söz açıblar. Bildirilib ki, sərgilərin keçirilməsi  yeniyetmə və gənclərin  formalaşmasında böyük əhəmiyyət kəsb edir.

Sonda 160-a  yaxın rəsm nümayiş olunub. Gənc rəssamların   müxtəlif idman növlərini əks etdirən  idman alətləri və idman geyim nümunələri  təqdim olunub. Sərgidə əsərləri nümayiş olunan  müəlliflərə sertifikat təqdim olunub.

Sifai SƏFƏROVA