|
Aprelin 23-24-də Azərbaycan Dövlət Pedaqoji Universiteti
Qərb Universiteti ilə birlikdə "Ekoloji problemlər və
ekoloji təhsil" mövzusunda Respublika elmi konfransı
keçirmişdir. Tədbiri giriş sözü ilə ADPU-nun rektoru,
professor Yusif Məmmədov açaraq bildirmişdir ki,
Azərbaycan Respublikasının Prezidenti cənab İlham Əliyev
bu il yanvar ayının 21-də xalqımızın ümummilli lideri
Heydər Əliyevin 90 illik yubileyinin dövlət səviyyəsində
geniş miqyasda keçirilməsi haqqında sərəncam
imzalamışdır.
Ulu öndər Heydər Əliyevin 90 illik yubileyi xalqımız
üçün böyük bayramdır. Xalqımız öz müdrik, vətənpərvər
oğlu Heydər Əliyevin bu yubileyini böyük ruh yüksəkliyi
ilə qeyd edir. Sərəncama uyğun olaraq ADPU-da da ulu
öndərin 90 illik yubileyinə həsr edilmiş müxtəlif
tədbirlər, konfranslar, seminarlar, "dəyirmi masa"lar, o
cümlədən ali məktəb tələbələrinin bədii yaradıcılıq
festivalı və universitetin professor-müəllim heyəti və
tələbə kollektivi arasında spartakiada keçirilmişdir.
Bugünkü Respublika elmi konfransı da ulu öndər Heydər
Əliyevin 90 illik yubileyinə həsr edilmiş silsilə
tədbirlərdən biridir.
Qərb Universitetinin rektoru, dosent Zemfira Məmmədova
çıxışında bildirmişdir ki, "Təhsil millətin gələcəyidir!"
- deyən ulu öndər Heydər Əliyev həmişə ekoloji
məsələlərə xüsusi diqqət yetirmişdir. Universitetdə
ekoloji təhsil sahəsində görülən işlər barədə geniş
məlumat verən Z.Məmmədova ADPU-da belə bir müştərək
konfransın keçirilməsindən razılıq duyduğunu xüsusi qeyd
etmişdir.
Konfransın plenar iclasında müxtəlif mövzularda
məruzələr dinlənilmiş, ekologiyaya dair sənədli film
nümayiş etdirilmişdir.
Sonra BDU-nun professoru Qara Namazov, AMEA-nın müxbir
üzvü, Neft-Kimya Prosesləri İnstitutunun direktoru,
professor Vaqif Abbasov və başqaları çıxış edərək ulu
öndər Heydər Əliyevin Azərbaycan təbiətinin təmizliyinə,
ekoloji tarazlığın qor | 