Böyük Britaniyanın bəzi ali məktəblərinin məzunları təhsil dövründə yaranmış kredit borclarını ödəyə bilmirlər.  Britaniya təhsilinə dair kifayət qədər kədərli mənzərə barədə Londonda nəşr olunan “The Mail on Sunday”   qəzeti məlumat yayıb.  Yeni məlumatlara əsasən, Britaniya universitetlərinin məzunlarının demək olar ki, yarısı təhsil haqlarına görə götürmüş olduqları kreditləri qaytara bilmir.  Bu gün   2010-2014-cü illərin məzunlarına  tələbə kreditlərini  ödəmək üçün ildə 17 465 funt-sterlinq qazanmaq lazımdır. Lakin  onların yarısı bu məbləğdən az maaş alır. Baxmayaraq ki, məmurların fikrincə, bu məbləğ tamamilə əlçatandır,  çünki ölkədə orta illik əməkhaqqının səviyyəsi 27000 funt-sterlinq təşkil edir. Tələbələrin əksəriyyəti belə bir ümidlə universitetə daxil olurlar ki, əldə etdikləri elmi dərəcə  onlara gələcəkdə daha çox  gəlir qazandıracaq.  Ancaq demək olar ki, bəzi ali məktəblərin məzunlarının yarısı universiteti  bitirdikdən  4-8 il sonra 17 465 funt-sterlinqdən az əməkhaqqı  qazanır.  Ən problemli universitet kimi   Bolton  Universitetinin adı çəkilir.  Bu ali məktəbin məzunlarının yalnız 56  faizinin əməkhaqları illik 17 465 funt-sterlinq  səviyyəsinə çatıb.   Bu mənada ən yaxşı vəziyyət London İqtisadiyyat Məktəbində müşahidə olunur. Bu ali məktəbin 10 məzunundan 9-u tələbə kreditinin ödənməsi üçün lazım olan səviyyədən daha çox qazanır.    “Pimlico Plumbers” şirkətinin təsisçisi Çarli Mallinsin sözlərinə görə, bir çox universitetlər məzunlara daha çox gəlirli iş yerləri vəd etməklə  bir növ dələduzluqla məşğul olur. Keçən il hökumətin iclaslarından birində  tələbə borclarına görə yığılmış borcların ümumi həcminin  5,9 milyard funt-sterlinq təşkil etməsinə dair rəqəm səsləndirilib.