Xəbər verildiyi kimi, 2019-2020-ci tədris ili üçün Respublika fənn olimpiadalarının birinci - rayon mərhələsinin nəticələri məlum olub.

Nəticələrə əsasən, İmişli rayonunun ümumi təhsil məktəbləri üzrə birinci mərhələdə iştirak etmiş 436 şagirddən 36-sı olimpiadaların növbəti mərhələsində iştirak etmək hüququ qazanıb. Belə ki, Azərbaycan dili və ədəbiyyat fənni üzrə 6, riyaziyyat fənni üzrə 7, fizika fənni üzrə 2, kimya fənni üzrə 5, biologiya fənni üzrə 8, tarix fənni üzrə 7,  coğrafiya fənni üzrə isə 4 şagird uğur əldə edib.

Xatırladaq ki, bütün fənlər və siniflər üzrə 40 faiz və yuxarı (fizika fənni üzrə 10-cu sinif şagirdləri üçün isə 30 faiz və daha yuxarı) nəticə göstərən şagirdlər olimpiadaların növbəti mərhələsində iştirak etmək hüququ qazanıblar.

Vilayət ƏLİYEV,

İmişli Rayon Təhsil Şöbəsinin ictimaiyyətlə əlaqələr üzrə məsul şəxsi