Naxçıvan Dövlət Universitetində (NDU) “Üçrəngli bayrağınla məsud yaşa” adlı foto-video, əl işləri  müsabiqəsinə yekun vurulub.

Münsiflərin rəyinə əsasən, foto nominasiyası üzrə Mühasibat uçotu və audit ixtisası üzrə II kurs tələbəsi Əhməd Əhmədzadə müsabiqənin qalibi olub. Beynəlxalq münasibətlər ixtisası üzrə IV kurs tələbəsi Abazər Kərimov II, Dünya iqtisadiyatı ixtisası üzrə II kurs tələbəsi Cavid Həsənli isə III yerə çıxıb.

Qeyd edək ki, tələbələr tərəfindən çəkilən və Azərbaycanın dövlət bayrağını, rəmzlərini əks etdirən foto-video, əl işləri hər bir tələbə tərəfindən hərəsindən bir nümunə olmaqla təqdim edilib. Müsabiqəyə universitetin instaqram səhifəsində yerləşdirilmək üçün ümumilikdə, 40-ya yaxın yaradıcı iş buraxılıb. Qaliblər 14 gün müddətində ən çox bəyənmə alan hər nominasiya üzrə 10 yaradıcı iş arasından seçilib.

Hüquqşünaslıq ixtisası üzrə III kurs tələbəsi Murad Əlkərəmov video nominasiyası üzrə qalib olub. Riyaziyyat və informatika müəllimliyi ixtisası üzrə I kurs tələbəsi Günel Əliyeva  II, Dünya iqtisadiyyatı ixtisası üzrə II kurs tələbəsi Kamal Babazadə isə III yeri tutub.

Əl işlərinin qiymətləndirilməsi zamanı tələbələrin şəxsi yaradıcılıq qabiliyyətləri, ideya, mövzu axtarışları əsas götürülüb. İqtisadiyyatın tənzimlənməsi ixtisası üzrə I kurs magistr Nigar Məhərrəmova qalib seçilib. Memarlıq ixtisası üzrə I kurs tələbəsi Elşad İsmayılov II, Musiqi müəllimliyi ixtisası üzrə III kurs tələbəsi Lətifə Quliyeva, Dünya iqtisadiyyatı ixtisası üzrə I kurs tələbəsi Nigar Nəsirli III yeri qazanıblar.

Qaliblər NDU- nun diplom və pul mükafatı ilə təltif olunublar.