“Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”ında əsas proritet hədəflərdən biri də muxtar respublikada peşə təhsilinin əhatəsinin genişləndirilməsidir.

 

"Azərbaycan müəllimi" xəbər verir ki, proqrama uyğun olaraq Naxçıvan Muxtar Respublikası Təhsil Nazirliyinin tabeliyində fəaliyyət göstərən Naxçıvan Dövlət Peşə Təhsil Mərkəzində yeni tədris ilindən 13 yeni ixtisas yaradılıb ki, onlardan biri də  "Kompüterlərin təmiri və xidməti üzrə texnik" ixtisasıdır.  

  ️

Yeni ixtisasda tələbələr kompüterlərin tərkib hissələrinin arxitekturası,  kompüterlərin yığılması, təmiri,  o cümlədən onlara texniki qulluq və modernləşdirilməsi ilə bağlı təcrübi biliklərə yiyələnəcəklər.  

 

Bir illik kursu bitirdikdən sonra məzunlar müstəqil şəkildə müxtəlif növ kompüterləri yığacaq  və windows əməlliyat sistemini yükləyəcək, konfiqurasiya modernizasiyasını həyata keçirəcək, stasionar kompüterlərə, noutbuklara texniki xidmət göstərə biləcəklər. 

 

Məzunlar ixtisası bitirdikdən sonra  informasiya texnologiyası sahəsi üzrə mütəxəssis, kompüter və onun avadanlıqları üzrə satış meneceri və informasiya texnologiyaları ilə bağlı işlərdə çalışa biləcəklər.