Bir sıra ümumi təhsil müəssisələrinin 2024-2025-ci tədris ili üzrə 2-9-cu siniflərində yaranmış boş yerlərə şagird qəbulu üçün müsabiqə elan edilir.

 

Məktəbəqədər və Ümumi Təhsil üzrə Dövlət Agentliyindən "Azərbaycan müəllimi"nə bildirilib ki, müsabiqəyə qeydiyyat 23 may saat 15:00-dan 3 iyun saat 17:00-a qədər sy.edu.az elektron sistemi vasitəsilə aparılacaq.

 

Qeyd edək ki, imtahanlar şagirdlərin 2024-2025-ci tədris ilində təhsil alacağı sinfə uyğun keçiriləcək.

 

İmtahanların keçiriləcəyi tarixlər barədə yaxın günlərdə ictimaiyyətə məlumat veriləcək.