Bakı Dövlət Universitetinin (BDU) 1684 tələbəsi 2021-2024-cü illər ərzində təhsil krediti almaq hüququ əldə edib. Onlardan 494-ü sosial, 1190-ı isə standart təhsil kreditidir.

 

Bu barədə “Azərbaycan müəllimi”nə BDU-dan məlumat verilib. 

 

Bildirilib ki, son 3 ildə təhsil krediti almaq üçün müraciət edən 2038 BDU tələbəsindən 1684-ü bu hüququ qazanıb.

 

2023/2024-cü tədris ilində isə ümumilikdə 705 BDU tələbəsinə təhsil krediti verilib. Onlardan 184-ü sosial, 521-i isə standart təhsil krediti olub.