Bakı Dövlət Universitetində (BDU) Dövlət Məşğulluq Agentliyinin təşkilati dəstəyi ilə 30 aprel – 1 may tarixlərində Karyera Festivalı keçiriləcək.

BDU-dan “Azərbaycan müəllimi”nə bildirilib ki, festivalın keçirilməsində məqsəd tələbə və məzunların əmək bazarına çıxışını asanlaşdırmaq, işəgötürənlərlə əlaqələrin qurulmasını təmin etməkdir.

Festivalın ilk günü ölkəmizin 100-dən artıq nüfuzlu şirkətinin iştirakı ilə Karyera Sərgisi təşkil olunacaq. Tədbirin ikinci günü isə müxtəlif mövzularda “workshop” və panel müzakirələr keçiriləcək.

Festivala gələnlər özləri ilə CV-lərini gətirməlidirlər. CV-si olmayan şəxslər BDU-nun Karyera və məzunlarla əlaqə sektoruna müraciət edə bilərlər.

Festivalda iştirak üçün qeydiyyatdan keçmək mütləqdir.

Qeydiyyat üçün son tarix: 29.04.2024

Qeydiyyat linki : https://forms.gle/8d2AMX9icVXnhQz7A