Qanadan olan kənd müəllimi adi lövhə və təbaşirin köməyi ilə də informatika dərsinin tədrisinin mümkün olduğunu nümayiş etdirib. 35 yaşlı Riçard Alia Akoto  özünün   Facebook səhifəsində yerləşdirdiyi məlumatda şagirdlərinə Microsoft Word  mətn redaktoru barədə söylədiklərindən bəhs edib.  Mətni   təbaşirlə lövhəyə təsvir edən müəllim tez bir vaxtda bütün dünyada məşhurlaşıb. Daha sonra  o, izah edib ki,   məqsədi uşaqları informatika üzrə imtahana hazırlaşdırmaqdır, lakin dərs dediyi məktəbdə bir dənə də  olsa, kompüter yoxdur. Buna görə də  lövhədə mətn  redaktorunu təsvir etməyə, menyüdəki hər bir işarənin mənasını izah etməyə  məcburdur ki, şagirdləri kompüterlə ilk görüşə hazır olsunlar.

Şəkillərin sosial şəbəkədə yayılmasından  iki həftə  sonra  Microsoft şirkəti tədris prosesində istifadə etməsi üçün qanalı müəllimə  fərdi kompüter hədiyyə etdiyini xəbər verib. 

Oruc Mustafayev