Azərbaycan Dövlət Aqrar Universitetinin (ADAU) mühəndislik fakültəsində 3 yeni dərslik və dərs vəsaitinin təqdimatı keçirilib.

Nəşrlər elektrik mühəndisliyi kafedrasının əməkdaşları Elçin Atayevin “Elektrik intiqalı”, Bəhruz Əliyevin “Sahə texnologiyası” və Rasim Paşayevin “Kənd təsərrüfatında elektrik avadanlıqları” adı ilə dərc olunub.
 

Təqdimat mərasimində çıxış edən universitetin rektoru Zəfər Qurbanov ali təhsil müəssisəsi əməkdaşlarının elmi-nəzəri fəaliyyətlərini yüksək qiymətləndirib. Rektor bununla yanaşı, elmi-tədqiqat işlərinin də sayının artırılmasını, bu istiqamətdə universitetdə atılan addımları diqqətə çatdırıb.

Sonra ADAU əməkdaşları Camaləddin Məmmədov, Siyasət Məmmədov və Fəxrəddin Yusibov çıxış edərək kitabın “Elektrik və elektronika mühəndisliyi”, “Energetika mühəndisliyi”, “Aqromühəndislik” və “proseslərin avtomatlaşdırılması” ixtisaslarının tələbələri üçün əhəmiyyəti barədə məlumat veriblər.