Bakı Mühəndislik Universiteti ilə (BMU) İNHA Universiteti arasında ali təhsilin bakalavriat səviyyəsində icra edilən beynəlxalq ikili diplom proqramı (BMU-İNHA İDP) çərçivəsində professor-müəllim heyəti üçün Koreya (Cənubi) Respublikasında elektronika mühəndisliyi sahəsi üzrə təlim təşkil olunacaq.

Universitetdən bildirilib ki, Koreyanın İnçon şəhərində 8 iyul-16 avqust 2024-cü il tarixlərində keçiriləcək təlimlərdə müvafiq meyarlara əsasən seçilən 10 nəfərin iştirakı nəzərdə tutulur. Sözügedən təlimlərə BMU ilə yanaşı, Azərbaycanın digər ali təhsil müəssisələrində çalışan professor-müəllim heyəti də qoşula bilər.

Qeyd edək ki, təlimlər BMU-İNHA İDP çərçivəsində professor-müəllim heyəti üçün xüsusi təhsil proqramı ilə yanaşı, İNHA Universitetinin təhsil təcrübəsi və təcrübəli professor-müəllim heyətinin bilik və bacarığını təlim iştirakçılarına çatdıraraq beynəlxalq layihənin uğurlu icrasını təmin etmək məqsədi daşıyır.

Təlimlərlə bağlı daha geniş məlumatı aşağıdakı linkə daxil olaraq əldə etmək mümkündür:

 https://beu.edu.az/az/announcement/bmu-inha-idp-cercivesinde-koreyada-elektronika-muhendisliyi-sahesi-uzre-telim-375