Azərbaycan Dövlət Aqrar Universiteti (ADAU) və Türkiyənin Ege Universiteti ilə birgə həyata keçirilən beynəlxalq ikili diplom proqramı çərçivəsində İzmir şəhərində təhsil alan azərbaycanlı tələbələrin oriyentasiya proqramı davam edir.

Proqram çərçivəsində tələbələr türklərin doğum, toy və digər adət-ənənələri, əyləncə mədəniyyəti ilə tanış olublar. Onlar İzmir Milli Kitabxanasında qonaq olub, 17-ci əsrə aid əsərlərə baxış keçiriblər. Daha sonra Kemeraltı bazarında keçirilən tanıtım və mədəniyyət turunda xəttatlıq, keçə, kazaziyə kimi türk mədəniyyətinin ustaları ilə tanış olublar.

Bu barədə ADAU-dan bildirilib.