Bakı Mühəndislik Universitetinin  rektoru, professor Havar Məmmədov İndoneziyanın Azərbaycandakı səfiri Hüsnan Bəy Fanani, İndoneziyanın Malang  İslam  Universitetinin rektoru  H. Maskuri və həmin universitetin prorektorları ilə  görüşüb. Görüşdə  BMU-nun  beynəlxalq  əlaqələr üzrə prorektoru Azər İmanquluyev  və  universitetin  beynəlxalq əlaqələr və lahiyələrin idarə olunması şöbəsinin müdiri Sevil İmanova  iştirak ediblər. Qonaqlara BMU haqqında geniş məlumat verən rektor bildirib ki, universitet yeni yaranmasına baxmayaraq bir çox beynəlxalq layihələrdə uğurla iştirak edib.

Sonra İndoneziyanın Malang  İslam  Universitetinin rektoru  H. Maskuri  təmsil etdiyi təhsil müəssisəsi haqqında  geniş məlumat verib. Görüşdə  İndoneziyanın Azərbaycandakı səfiri Hüsnan Bəy Fənani Azərbaycan və İndoneziya arasında təhsil sahəsində mövcud olan əlaqələrin inkişafında BMU-nun xüsusi rol oynadığını vurğulayıb.

Daha sonra İndoneziyanın Malang  İslam  Universiteti ilə əməkdaşlıq müqaviləsi imzalanıb. Qonaqlar BMU-nun laboratoriyaları, maddi-texniki bazası ilə tanış olublar. Səfir səmimi qəbula görə BMU-nun  rəhbərliyinə təşəkkür edib və gələcəkdə təhsil sahəsində BMU ilə  əməkdaşlığı daha da inkişaf etdirəcəklərini  bildirib.