Ümummilli Lider Heydər Əliyevin 100 illik yübileyi çərçivəsində ölkəmizin təhsil ocaqlarında  keçirilən silsilə tədbirlərdə uşaq və yeniyetmələr, gənclər xüsusi istedad və bacarıqlarını nümayiş etdirirlər. Cənub bölgəsi sayılan Masallı rayonunun  ümumtəhsil müəssisələrinin şagirdləri ilə Masallı şəhər Onbirillik İncəsənət Məktəbinin dərnək üzvlərinin rayonun  “Asan xidmət” mərkəzində  birgə təşkil etdikləri  tədbirdə bu fikirlər bir daha öz təsdiqini tapıb. “Onu zaman seçmişdir” adlı Breyn Rinq intellektual bilik yarışmasında yeniyetmələr, gənclər  öz biliklərini sınayıb, istedadlarını nümayiş etdiriblər. 

Altı komandanın iştirakı ilə baş tutan  bilik yarışması gərgin mübarizə şəraitində keçib. Sonda Masallı şəhər N.Nərimanov adına 2 nömrəli  tam orta məktəbin “Zəfər” komandası I yeri, Masallı şəhər Onbirillik İncəsənət Məktəbinin “Forte” komandası II yeri,  “Piano” komandası isə III yeri qazanıb.

Sifai SƏFƏROVA