Fransa prezidenti Emmanuel Makron  2019-cu ildə 3 yaşı tamam olan bütün uşaqların icbari qaydada  məktəbə getməsini  nəzərdə tutan qanunu imzalayıb.  Valideynlər bu yeniliyi narahatlıqla qarşılayıb, cəmiyyətdə bu islahatın müzakirəsi səngimir.

İbtidai sinif müəllimlərindən Anna Piy yeniliyə münasibətini belə bildirib: "Bizim təhsil mərkəzindən olan  valideynlər, hansı ki, uşaqlarının 3 yaşı tamam olub, yeniliyə hazırdır.  Lakin  onlar narahatdırlar ki, yenilik uşaqları adət etdikləri uşaqlıq həyatından məhrum edəcək.  Amma qorxmaq lazım deyil,  kiçik siniflər üçün hazırlanmış proqram hazırda ölkənin bir çox məktəbəqədər  təhsil müəssisələrində tətbiq edilən proqramlardan o qədər də fərqlənmir".
  

Fransa  hökuməti hesab edir ki, bu tədbir təhsildə geri qalan şagirdlərin sayını azaltmağa imkan verəcək.  Məktəb yaşının  3-ə endirilməsi həm də müəllimlərin yükünü azaldacaq.  Hazırda Fransada  bir müəllimə 20-dən artıq şagird düşür, digər Avropa ölkələrində isə bu rəqəm 2 dəfə azdır.

Oruc  MUSTAFAYEV