Bu gün dünya ölkələrində 24 yanvar Beynəlxalq Təhsil Günü kimi qeyd olunur. Bu əlamətdar gün Nyu-Yorkda BMT Baş Assambleyasında,  Dubayda Beynəlxalq Təhsil Sərgisində və Harvard Universitetinin Ali Təhsil Məktəbində qeyd olunub.

YUNESKO-nun 24 yanvar Beynəlxalq Təhsil Günü ilə bağlı yaydığı məlumatda belə qeyd olunur:“Biz 2022-ci il yanvarın 24-də dördüncü Beynəlxalq Təhsil Gününü “Kursun dəyişməsi, təhsilin dəyişdirilməsi” şüarı ilə qeyd edəcəyik. YUNESKO “Təhsilin gələcəyi” adlı son qlobal məruzəsində ətraflı izah edildiyi kimi, gələcəyin dəyişdirilməsi bir-birimizlə, təbiətimizlə, eləcə də həyatımızı aşan, irəliləyiş imkanları təklif edən, ədalətlə, inklüzivliklə bağlı ciddi narahatlıqlar doğuran texnologiyalarla münasibətlərimizin təcili şəkildə dəyişdirilməsini tələb edir. Bu il Beynəlxalq Təhsil Günü hər kəsin təhsilə əsas hüququnu həyata keçirmək və daha davamlı, inklüziv, dinc gələcək qurmaq üçün həyata keçirilməli olan ən vacib dəyişikliklərin nümayişi üçün platforma olacaq. Bu, ictimai təşəbbüs və ümumi xoşbəxtlik kimi təhsilin necə möhkəmləndirilməsi, rəqəmsal transformasiyanın necə istiqamətləndirilməsi, müəllimləri dəstəkləmək, planeti qorumaq və hər bir insanın potensialını açıqlamaq haqqında debatlara səbəb olacaq”.

Qeyd edək ki, Birləşmiş Millətlər Təşkilatının Baş Assambleyası 2018-ci ilin dekabr ayında sülh və inkişafın təminində təhsilin vacibliyini qeyd etmək üçün bu günün təsis olunduğunu elan edib. Beynəlxalq Təhsil Gününün qeyd edilməsi ilə bağlı qətnamə 59 üzv dövlət tərəfindən qəbul olunub. Beləliklə, hamı üçün inklüziv, ədalətli və keyfiyyətli təhsilin təmin olunmasında dəyişdirici səyləri dəstəkləmək üçün sarsılmaz siyasi iradə nümayiş etdirilib.

Oruc MUSTAFAYEV