AZERBAYCAN MUELLIMI

Dünya güclü ali təhsil şəbəkəsindən faydalanır

Böyük Britaniyanın “QS World University Rankings” nəşri 2021-2022-ci tədris ili üzrə dünyanın ən yaxşı universitetlərinin növbəti reytinq sıralamasını (QS World University Rankings 2022 ) dərc edib. Bu il reytinq rekord sayda - 1300 universiteti əhatə edir ki, bu da ötən illə müqayisədə 10 faiz çoxdur. Bu, QS-in bu günə qədərki ən böyük tədqiqatı deməkdir.

Reytinqə əsasən dünyanın ən yaxşı universitetlərinin siyahısına ardıcıl olaraq 10-cu ildir ki, Massaçusets Texnologiya İnstitutu (MIT) başçılıq edir.

İnstitutun prezidenti Rafael Reyf MIT-ın uğurunu belə qiymətləndirir: “Biz, Massaçusets Texnologiya İnstitutunu olduğu kimi edən müəssisəmizin və müəllimlərimizin, işçilərimizin, məzun və tələbələrimizin tanınmasını dərindən dəyərləndiririk, biz həm də bütün dünyada akademik institutların nailiyyətlərinə son dərəcə heyran qalırıq. Dünya insanlığa saysız-hesabsız üstünlüklər gətirən güclü ali təhsil şəbəkəsindən, fundamental kəşflərdən novator qərarlara qədər, iqlim və sağlamlıq sahəsində mövcud problemlərdən, istedadların növbəti nəsillərinin formalaşmasına qədər faydalanır. Biz fəxr edirik və minnətdarıq ki, birlikdə dünyanı daha yaxşı etmək istəyən alimlər, tədqiqatçılar və müəllimlər kimi bu böyük insan cəmiyyətinə mənsubuq”.

Yeni reytinqdə M.V.Lomonosov adına Moskva Dövlət Universiteti Rusiyanın ən yaxşı ali məktəbi və top-100 -lükdə təmsil olunan yeganə ali təhsil müəssisəsi kimi 78-ci yeri tutub. Artıq beşinci ildir ki, MDU dünyanın ən yaxşı 100 universiteti arasında mövqeyini qoruyub saxlayır. Bu uğurdan danışan MDU-nun rektoru akademik V.A.Sadovniçi qeyd edib ki, ötən beşillik universitetin inkişafında bir çox cəhətdən bir dönüş nöqtəsi olub: “Biz universitetin inkişafı üçün yeni proqram qəbul etdik, fənlərarası elmi-təhsil məktəblərinin prioritet istiqamətləri üzrə unikal layihənin icrasına başladıq, universitetin rəqəmsal və innovativ inkişafına üstünlük verdik. Bütün bunlar universitetin intellektual potensialını birləşdirməyə, mövcud olan və yeni təhsil trayektoriyalarını yenidən təşkil etməyə imkan verdi”.

Qlobal reytinqdə ölkəmizi müvafiq olaraq Azərbaycan Dövlət İqtisad Universiteti (UNEC) və Bakı Dövlət Universiteti (1001+ aralığında) təmsil edir.

Bu il QS institusional reytinqinə 97 ölkədən 1300 ali təhsil müəssisəsi daxil olub. Bununla yanaşı, 6400-dən çox ali məktəbə tədqiqatda iştirak etməyə icazə verilib. Builki reytinqin ilk 100-lüyündə ABŞ-ın 26, Böyük Britaniyanın 18 universiteti yer alıb.

Universitetlərin fəaliyyətləri qiymətləndirilərkən akademik dairələrin 130 mindən çox və işəgötürən təşkilatların 75 min nümayəndələri tərəfindən aparılan sorğuların nəticələri nəzərə alınıb. Tədqiqat metodologiyası reytinqin tərtib edilməsi üçün altı əsas göstəricini əhatə edir - akademik nüfuz, işəgötürənlər arasında nüfuz, müəllimlərin və tələbələrin sayının nisbəti, bir müəllim və əməkdaşa düşən sitatların sayı, əcnəbi müəllimlərin və əməkdaşların payı, əcnəbi tələbələrin sayı.

Reytinqlə daha ətraflı www.topuniversities.com/university-rankings/world-university-rankings/2022 səhifəsindən tanış olmaq olar.

Rey-tinq	Ali məktəbin adı	Ölkə
1	Massachusetts Institute of Technology (MIT)	ABŞ
2	University of Oxford	Böyük Britaniya
=3	Stanford University	ABŞ
=3	University of Cambridge	Böyük Britaniya
5	Harvard University	ABŞ
6	California Institute of Technology (Caltech)	ABŞ
7	Imperial College London	Böyük Britaniya
=8	ETH Zurich (Swiss Federal Institute of Technology)	İsveçrə
=8	UCL (University College London)	Böyük Britaniya
10	University of Chicago	ABŞ
11	National University of Singapore (NUS)	Sinqapur
12	Nanyang Technological University, Singapore (NTU)	Sinqapur
13	University of Pennsylvania	ABŞ
=14	Ecole Polytechnique Fédérale de Lausanne (EPFL)	Fransa
=14	Yale University	ABŞ
16	University of Edinburgh	Böyük Britaniya
17	Tsinghua University	Çin
18	Peking University	Çin
19	Columbia University	ABŞ
20	Princeton University	ABŞ
21	Cornell University	ABŞ
22	University of Hong Kong (UKU)	Honkonq
=23	University of Tokyo	Yaponiya
=23	University of Michigan-Ann Arbor	ABŞ
25	Johns Hopkins University	ABŞ
26	University of Toronto	Kanada
=27	McGill University	ABŞ
=27	Australian National University	Avstraliya
=27	University of Manchester	Böyük Britaniya
30	Northwestern University	ABŞ
31	Fudan University	Çin
32	University of California, Berkeley (UCB)	ABŞ
33	Kyoto University	Yaponiya
34	Hong Kong University of Science and Technology (HKUST)	Honkonq
35	King's College London	Böyük Britaniya
36	Seoul National University	Cənubi Koreya
37	University of Melbourne	Avstraliya
38	University of Sydney	Avstraliya
39	Chinese University of Hong Kong (CUHK)	Honkonq
40	University of California, Los Angeles (UCLA)	ABŞ
41	KAIST - Korea Advanced Institute of Science & Technology	Cənubi Koreya
42	New York University (NYU)	ABŞ
43	University of New South Wales (UNSW Sydney)	Avstraliya
44	Universite PSL	Fransa
45	Zhejiang University	Çin
46	University of British Columbia	Kanada
47	University of Queensland	Avstraliya
48	University of California, San Diego (UCSD)	ABŞ
49	London School of Economics and Political Science (LSE)	Böyük Britaniya
=50	Shanghai Jiao Tong University	Çin
=50	Technical University of Munich	Almaniya
52	Duke University	ABŞ
=53	Carnegie Mellon University	ABŞ
=53	City University of Hong Kong	Honkonq
55	University of Amsterdam	Niderland
56	Tokyo Institute of Technology	Yaponiya
57	Delft University of Technology	Niderland
58	Monash University	Avstraliya
59	Institut Polytechnique de Paris	Fransa
60	Brown University	ABŞ
62	University of Warwick	Böyük Britaniya
62	University of Bristol	Böyük Britaniya
63	Ruprecht-Karls-Universitat Heidelberg	Almaniya
64	Ludwig-Maximilians-Universität München	Almaniya
65	Universiti Malaya (UM)	Malayziya
66	Hong Kong Polytechnic University	Honkonq
67	University of Texas at Austin	ABŞ
68	National Taiwan University (NTU)	Tayvan
69	Universidad de Buenos Aires (UBA)	Argentina
=70	KU Leuven	Belçika
=70	University of Zurich	İsveçrə
72	Sorbonne University	Fransa
73	University of Glasgow	Böyük Britaniya
74	Korea University	Cənubi Koreya
=75	Osaka University	Yaponiya
=75	University of Wisconsin-Madison	ABŞ
77	University of Southampton	Böyük Britaniya
78	Lomonosov Moscow State University	Rusiya
=79	University of Copenhagen	Danimarka
=79	Yonsei University	Cənubi Koreya
81	Pohang University of Science and Technology (POSTECH)	Cənubi Koreya
=82	Durham University	Böyük Britaniya
=82	Tohoku University	Yaponiya
=82	University of Illinois at Urbana-Champaign	ABŞ
=85	University of Auckland	Yeni Zelandiya
=85	University of Washington	ABŞ
87	Lund University	İsveç
88	Georgia Institute of Technology	ABŞ
89	KTH Royal Institute of Technology	İsveç
90	University of Birmingham	Böyük Britaniya
91	University of St Andrews	Böyük Britaniya
92	University of Leeds	Böyük Britaniya
93	University of Western Australia	Avstraliya
94	Rice University	ABŞ
95	University of Sheffield	Böyük Britaniya
96	University of Pennsylvania	ABŞ
97	Sungkyunkwan University (SKKU)	Cənubi Koreya
98	University of Science and Technology of China	Çin
99	Technical University of Denmark	Danimarka
100	University of North Carolina, Chapel Hill	ABŞ

Oruc MUSTAFAYEV

18.06.2021 | 11:20