Məktəblərin reytinqi yeni meyarlarla hesablanacaq | |
Yeni tədris ilindən etibarən məktəblərin reytinqi yeni meyarlarla hesablanacaq. Həmin meyarların hazırlanması istiqamətində iş tamamlanmaq üzrədir. Bu barədə təhsil naziri Ceyhun Bayramov “Azərbaycan müəlimi” qəzetinə açıqlamasında deyib: “Məktəblərin reytinqi müəyyənləşdirilərkən əsas göstərici olaraq 9-cu sinifdə buraxılış imtahanlarının nəticələri götürülürdü. Çünki hesab olunurdu ki, 11-ci sinifdə əlavə hazırlığın xüsusi çəkisi kifayət qədər yüksəkdir. Ancaq 9-cu sinifdə verilən imtahanların nəticələri daha çox məktəbin göstəriciləridir. 2018-2019-cu dərs ilindən başlayaraq məktəblərin reytinqi 9 və 11-ci siniflərdə buraxılış imtahanlarının nəticələri də daxil olmaqla, geniş təhlil nəticəsində müəyyənləşdiriləcək. Həmin meyarlar artıq hazırdır. Nazirlik daxilində bu istiqamətdə son işlər və müzakirələr gedir”.
Ruhiyyə Daşsalahlı
|
|
14.06.2018 | 17:40 | |
|
|
|