Azərbaycanın Vətən müharibəsində Zəfəri ölkəmiz, xalqımız qarşısında yeni üfüqlər açır. Prezident İlham Əliyevin YAP-ın VII qurultayındakı çıxışında qeyd etdiyi kimi bu gün müharibədən sonra yeni dövr başlayır. İndi Qarabağın bərpası ilə bağlı bizim əsas rəqibimiz zamandır. Ölkənin gələcəyini elə planlaşdırmalıyıq ki, uzunmüddətli dayanıqlı inkişaf təmin edilsin, müstəqillik əbədi olsun, ölkəmizin qüdrəti artsın, təsir imkanlarımız artsın və daim Azərbaycan xalqı təhlükəsizlik şəraitində öz dədə-baba torpağında yaşasın.