Gürcüstanın ikinci ən böyük şəhərində yerləşən ən müasir universitet və tədqiqat mərkəzi kimi seçilən Kutaisi Beynəlxalq Universiteti (KMU) region ölkələrindən olan məzunlar arasından ən yaxşı və ən parlaq istedadları  cəlb etmək üçün  qəbul kampaniyasına başlayır. KMU Belarus,  eləcə də Qafqaz və Orta Asiya bölgələrindən olan məzunları  2021-ci ilin sentyabrında öz sıralarında görməyə ümid edir.

Gürcüstanın keçmiş Baş naziri Bidzina İvanişvili tərəfindən qurulan KMU 2020-ci ildə qapılarını xarici və gürcü tələbələrin üzünə açıb. Layihənin məqsədi Avropa və Amerikanın ən yaxşı texniki universitetləri arasında rəqabətli mövqe əldə etməkdir.

2021-ci il üçün isə əsas hədəflər  Azərbaycan, Rusiya, Ukrayna, Belarus və  Qazaxıstandan olan məzunlardır. KMU-nun qəbul kampaniyasına  başladığını elan edən B.İvanişvili deyib:“KMU-ya  1 milyard avroluq sərmayəmizin miqyası ambisiyalarımızın əhatə dairəsini göstərir. KMU-nun Rusiya, Orta Asiya və Qafqazdan ən yaxşı, ən parlaq məzunlar üçün bir maqnit olmasını istəyirik. Məqsədimiz dünyanın aparıcı regional təlim, texnologiya və innovasiya mərkəzinin yaradılmasıdır ".
  

KMU Amerika və Avropa təhsil standartlarına uyğun şəkildə "beynəlxalq" bir universitet kimi xüsusi olaraq dizayn edilib. Tərəfdaşı Münhen Texniki Universiteti (TUM)  QS Dünya Universitetləri Reytinqində  Avropanın ən yaxşı universitetlərindən biridir.

CMU  elm və texnologiyaya diqqət yetirərək, yaşayış yerləri də daxil olmaqla, kampus içərisində bir sıra təhsil xidmətləri təklif edəcəkdir. Kursun məzmunu, hazırda  Alexander von Humboldt mükafatına layiq görülən 6 professorun çalışdığı və dünyaya 15 Nobel mükafatı laureatı bəxş etmiş Münhen Texnik Universiteti ilə birgə hazırlanıb.  

KMU hazırda kompüter elmləri, riyaziyyat və idarəetmə sahələrində bakalavr dərəcəsi proqramları təklif edir. Magistr, doktorantura və postdoktorantura proqramlarını dəstəkləmək üçün ən müasir tədqiqat, tibb mərkəzləri və laboratoriyaları açılır.

Elmi-tədqiqat mərkəzləri artıq dünyanın hər yerindən aparıcı alim və investorları cəlb edir. Xərçəng xəstəliklərinin müalicəsi üçün Avropa proton terapiya texnologiyasının aparıcı təchizatçısı olan  “Ion Beam Applications of Belgium”  şirkəti universitetin tibbi tədqiqat mərkəzində siklotron quraşdırır.

Universitet kansleri Maqda Maqradze KMU-nun üstünlüklərindən danışıb:

"Gürcüstan yaşayış və təhsil üçün əla yer kimi tanınıb. Biz Kutaisi kənarındakı yeni ərazidə, regionun bütün əsas ölkələri ilə birləşən beynəlxalq hava limanının yanında ən müasir tikililərə sahibik. Biz qonşu ölkələrdən istedadlı tələbə kontingentini cəlb edirik”.
 

Universitetdə mühazirələr Almaniya, Yaponiya, ABŞ və dünyanın digər ölkələrindən olan professorlar tərəfindən aparılır. Universitetdə təhsil ingilis dilindədir.

Ali məktəbin təklif etdiyi  maliyyə dəstəyi paketləri haqqında www.kiu.edu.ge  səhifəsindən tanış olmaq olar.

https://tass.ru/press-relizy/10771809?utm_source=yxnews&utm_medium=desktop
 

Oruc MUSTAFAYEV