Azərbaycan Dövlət İqtisad Universiteti “UNEC-in gənc müəllimləri” layihəsində növbəti müəllimini tanıdır- Nərmin İbrahimovanı.

N.İbrahimova Bakı Dövlət Universitetinin mexanika-riyaziyyat fakültəsində bakalavr təhsil pilləsini bitirib.

UNEC Biznes Mərkəbində MBA proqramı üzrə Beynəlxalq biznes ixtisası üzrə magistr təhsili alıb.

2015-2018-ci illərdə ABŞ-ın nüfuzlu Vaşinqton universitetində “Sosial sahibkarlıq” ixtisası üzrə magistr dərəcəsinə yiyələnib. ABŞ universitetində fərdi fandreyzinq (maliyyə vəsaitlərinin cəlb edilməsi) sahəsi üzrə uğurla fəaliyyət göstərib.

UNEC-də Layihələrin İdarəolunması şöbəsinə rəhbərik edir. Beynəlxalq İqtisadiyyat Məktəbində (İSE) Sosiologiya fənnini tədris edir.

Azərbaycan, rus və ingilis dillərini bilir.

N.İbrahimovanın devizi belədir: “Təhsilə əlçatanlıq hər kəsin hüququdur”.