Azərbaycan Milli Elmlər Akademiyası İdarəetmə Sistemləri İnstitutunun laboratoriya müdiri, Dövlət mükafatı laureatı, iqtisad elmləri doktoru, professor Qorxmaz İmanovun  "İqtisadiyyatda qeyri-səlis modellər" adlı kitabı Springer nəşriyyatında çap edilib.

Kitab AMEA-nın fəxri (xarici) üzvü olmuş professor Lütfi Zadənin xatirəsinə həsr edilib. Kitabın redaktoru Polşa Elmlər Akademiyasının həqiqi üzvü, akademik Janusz Kacprzykdur. İspaniyanın İqtisadiyyat və Maliyyə Kral Akademiyasının Prezidenti, professor  J.Gil-Aluja isə kitaba Ön söz yazıb.