Türkiyənin İnönü Universitetinin rektoru, professor Ahmet Kızılay Azərbaycana dəstək məqsədilə Azərbaycan Dövlət İqtisad Universitetinin (UNEC)  rektoru, professor Ədalət Muradova məktub ünvanlayıb.

UNEC-dən bildirilib ki, məktubda Ermənistanın Azərbaycana qarşı hərbi təcavüzü, dinc əhalini hədəfə alması insanlığa qarşı cinayət adlandırılıb. Qeyd olunub ki, müharibənin yeganə həll yolu  Ermənistanın işğal etdiyi torpaqlardan dərhal və qeyd-şərtsiz çıxmasıdır.

Professor A.Kızılay diqqətə çatdırıb ki, İnönü Universiteti Ermənistanın silahlı hücumuna qarşı Azərbaycanın yanındadır və  ali məktəbin  professor-müəllim heyəti bütün tədbirlərdə Azərbaycana dəstəyini açıq ifadə edir.

Sonda türkiyəli alim  İnönü Universiteti ilə  UNEC arasındakı əməkdaşlıq və həmrəyliyin bunda sonra da  davam edəcəyini bildirib.